Sendeiro de Castelaus

Sendeiro circular que parte e regresa ao pobo de Castelaus.

1. Saímos da área recreativa do pobo de Castelaus, onde podemos aparcar o noso vehículo e coller auga para o camiño na Fonte dos Espiñeiros; unha das de máis sona do Concello.

2. Tomamos o sendeiro seguindo a sinalización dos postes, que nos guiarán ao longo de todo o camiño, para comezar a subir paulatinamente cara Panadeira e o Toutizo ata o monte Cobelo entre carballos.

3. Continuamos polo antigo camiño que vai a Saa, entre unha frondosa carballeira e poulas pola zona da Portela, Touzas, Baión ata chegarmos ao cemiterio no que conectamos co camiño que ven de Vilar de Santos e co sendeiro do Ruxidoiro.

4. Chegamos a Vilar de Santos, onde se estamos cansos podemos aproveitar para visitar o Museo da Limia, tomar algo ou descansar no Parque da Cachalgura ou mesmo tomar un baño na piscina municipal no mesmo parque se é verán.

5. Desde o alto teremos unhas magnificas vistas da Limia e dos antigos terreos da Lagoa. Ao fondo as charcas creadas polas empresas de extracción de area, nas que abundan os patos, garzas, cegoñas ou pitas de auga.

6. O noso camiño rematará  baixando cara ao punto de saída polo antigo camiño que utilizaban os veciños para ir a Vilar de Santos, podendo gozar en todo momento dunhas vistas panorámicas fermosas da Limia.

Sae da Igrexa románica de Vilar de Santos, por riba da Praza do Concello, segue cara á aldea de Saa e desde alí, atravesando bosques de carballos, praderías e un muíño, encamíñase ao Ruxidoiro, zona núcleo da Reserva da Biosfera, lugar onde remansaba a auga do regato Cigüeñeiras. Trátase dunha ruta pequena e con pouco dificultade, apta para calquera paseante.

Sae da Igrexa románica de Vilar de Santos, por riba da Praza do Concello, segue cara á aldea de Saa e desde alí, atravesando bosques de carballos, praderías e un muíño, encamíñase ao Ruxidoiro, zona núcleo da Reserva da Biosfera, lugar onde remansaba a auga do regato Cigüeñeiras. Trátase dunha ruta pequena e con pouco dificultade, apta para calquera paseante.