ÁBRESE O PRAZO DE PREINSCRICIÓN PARA CONCILIA DE SEMANA SANTA 2026
O día 12 de marzo ábrese o prazo de preinscrición para a Aula Concilia de Semana Santa do Concello de Vilar de Santos, dirixido a nenos e nenas de entre 3 e 12 anos.
O programa desenvolverase os días 30 e 31 de marzo, e 1 e 6 de abril, en horario de 9:00 a 14:00 horas.
Ademais, ofrecerase a posibilidade de:
-
Aula Concilia de 8:00 a 9:00 horas
-
Aula de agarda de 14:00 a 14:30 horas
DESTINATARIOS
Este servizo está dirixido a nenos e nenas de 3 a 12 anos de idade.
Terán prioridade absoluta na adxudicación de prazas os nenos e nenas empadroados no Concello de Vilar de Santos con polo menos 6 meses de antigüidade.
SOLICITUDE
O prazo de preinscrición estará aberto ata o 19 de marzo de 2026 (incluído).
A preinscrición poderá realizarse a través do formulario online habilitado na seguinte ligazón:
Rematado o prazo de preinscrición, o día 20 de marzo publicarase na web do Concello o listado de persoas admitidas e a lista de suplentes.
Ao tratarse de prazas limitadas, terán prioridade os menores empadroados no Concello de Vilar de Santos e, no caso de quedar prazas libres, o criterio de adxudicación será a orde de inscrición.
FORMALIZACIÓN DA MATRÍCULA
A matrícula das persoas admitidas deberá formalizarse dende o día 20 ata o 26 de marzo (incluído).
Poderá realizarse de maneira presencial nas oficinas do Concello de Vilar de Santos ou a través do procedemento que se habilitará para tal efecto, e que será comunicado xunto coa publicación da listaxe de persoas admitidas.
BASES COMPLETAS DO CONCILIA SEMANA SANTA 2026
As persoas interesadas poden consultar as bases completas do programa na seguinte ligazón:
