O Concello de Vilar de Santos ten adxudicada unha vivenda en réxime de aluguer social a través dun convenio de colaboración entre a Xunta de Galicia (IGVS) e ABANCA.
O prezo do aluguer social da citada vivenda será o establecido na Normativa Reguladora de Vivendas de Promoción Pública, e para poder acceder á citada vivenda, as persoas interesadas e candidatas deberán reunir unha serie de requisitos económicos e sociais regulados.
Os Servizos Sociais do Concello, realizarán unha avaliación inicial das persoas candidatas e o procedemento final e adxudicación será no Instituto Galego de Vivenda e Solo.
O prazo de solicitudes estará aberto ata o día 20 de novembro de 2017.
Documentación a aportar:
- Impreso de Solicitude
- Certificado de empadroamento e convivencia
- Libro de familia
- Certificado de ingresos (nómina, declaración da renda, certificado Inem, etc.)
- Certificado de minusvalía (de ser o caso)
- Sentencia de separación e/ou divorcio (de ser o caso)
- Será necesario un Informe Social por parte da Traballadora Social do Concello
Lugar de presentación:
Servizos Sociais – Casa do Concello
Rúa de Celanova 77
32650 Vilar de Santos
Tel. 988 465 883
servizos.sociais@vilardesantos.com
