O venres, 17 de abril, distribuíronse mascarillas en todos os pobos do concello e para todos os veciños e veciñas como unha medida mais de prevención do coronavirus COVID-19.
Continua a limpeza e desinfección nos contedores de lixo e nas zonas de maior tránsito de persoas, no entorno do Centro de Saúde e Centro de Día, na farmacia, na zona do supermercado, no banco. Tamén en canto o permita o tempo e pare a chuvia, repetiremos a fumigación a fondo en todos os pobos.
Por último, unha vez mais, agradecer novamente a todo o persoal do Concello o seu esforzo e traballo, que está permitindo o funcionamento de todos os servizos municipais e o noso agradecemento tamén a todos os veciños e veciñas polo seu comportamento cívico e o cumprimento e seguimento das instrucións das autoridades nesta situación de Alarma e emerxencia sanitaria.
