Para o Concello de Vilar de Santos, mellorar a atención que prestamos e achegar os servizos a todos os veciños e veciñas é un obxectivo prioritario.
Retomamos o servizo conxunto e coordinado co Centro de Saúde co que pretendemos traballar e prestar unha atención individualizada, inmediata e adaptada a todas as persoas e as súas necesidades.
A Traballadora Social do Concello disporá dun espazo dentro do Centro de Saúde para poder atender e prestar información e asesoramento dos recursos e servizos sociais sen necesidade de desprazarse á Casa do Concello, acercándonos a todos os veciños e veciñas que acoden ó Centro de Saúde.
Desde o próximo luns 8 de xaneiro, a Traballadora Social do Concello estará os luns de 9:00 a 11:30 no Centro de Saúde.
Para máis información, dirixirse aos Servizos Sociais do Concello.
O Alcalde, Antonio Míguez Nogueiras.
